Бүгүн, балаҕан ыйын 26 күнүгэр «Бэрдьигэстээх нэһилиэгэ» тыа сирин түөлбэтин баһылыга Алексей Аргунов дуоһунаһыгар киирдэ.
Алексей Григорьевия Аргунов балаҕан ыйын 14 күнүгэр буолан ааспыт быыбарга Биир ньыгыл Россия партияттан нэһилиэк баһылыгын дуоһунаһыгар кандидатынан туран, эрэллээхтик кыайыыны ситиспитэ.
Кини туһугар бэйэлэрин куоластарын 1798 киһи биэрэн, куолас уопсай ахсааныттан 91,83 бырыаһыны ылбыта.
Инаугурация тэрээһинэ М.Егоров аатынан сынньалаҥ киинин дьиэтигэр буолла. Саҥа баһылык дуоһунаһыгар киириитинэн, 1985-1991 сс Сэбиэт бэрэссэдээтэлинэн, 1991-2003 сс нэһилиэк баһылыгынан үлэлээбит Евдокия Тарасова алгыс тылын анаан туран, Алексей Григорьевичка Бэрдьигэстээх нэһилиэгин баһылыгын дуоһунаһын туоһулуур түөскэ кэтиллэр бэлиэни туттарда.
Бу тэрээһиҥҥэ улуус баһылыга, салайааччылар, улуус, нэһилиэк депутаттара, түөлбэ салайааччылара уо.д.а. кыттыыны ылан, үтүө баҕа санааларын эттилэр.
Инаугурацияҕа кэлбит дьон Алексей Григорьевичка норуот туһугар салгыы да тэтимин ыһыктыбакка, төрөөбүт нэһилиэкпит сайдарыгар, нэһилиэнньэ олоҕо тупсарыгар үлэлиэ-хамсыа диэн эрэнэллэрин биллэрдилэр.
Бу күн үрдүк сыанаҕа туран, Бэрдьигэстээх Сэбиэтин депутаттарынан талыллыбыттарга нэһилижк быыбардыыр хамыыһыйатын бэрэссэдээтэлэ Михаил Салгынов дастабырыанньалары туттарда.
Күннэй Алексеева.