Нэһилиэктэр икки ардыларынааҕы комплекснай спартакиада тыӈааһына кытааттар кытаатан иһэр. «Чыпчаал» стадиоҥҥа уһун тыыннаах, кус быһый кыргыттар уонна уолаттар мустан илин-кэлин түстүлэр.
Бэрт сытыы сырсыылар кэннилэриттэн үс бастыҥ иһигэр киирдилэр: 100 м сүүрүүгэ, I миэстэни Айыына Колесова (Кировскай), II Анастасия Афанасьева (Бэрдьигэстээх), III Марина Павлова (Мытаах) ылла.
Эр дьоҥҥо I Андрей Оленов (Кировскай), II Никита Петров (Одуну), III Семен Дьячковскай (Кировскай).
400 м l Дайаана Тарасова (Кировскай), ll Евгения Каленкова (Атамай), lll Люцита Петрова (Одуну).
I Эрхан Михайлов (Октябрьскай), II Эдуард Ксенофонтов (Одуну), III Андрей Оленов.
800 м l Мария Дьяконова (Солоҕон), ll Айыына Колесова, lll Марина Павлова.
1500 м l Эдуард Ксенофонтов, ll Илья Григорьев (Бэрдьигэстээх), lll Максим Лукин (Солоҕон).
3000 м l Мария Семенова (Бэрдьигэстээх), ll Мария Дьяконова, lll Дайаана Тарасова.
5000 м l Эрхан Михайлов, ll Ян Петров (Бэрдьигэстээх), lll Максим Лукин.
Ыһыылаах-хаһыылаах буккаас эстафета 4х100 Кировскай хамаандата иннигэр кими да киллэрбэтэ. Иккис миэстэни Одуну сүүрүүктэрэ ыллылар. Үһүскэ Бэрдьигэстээх спортсменнара таҕыстылар.
Уопсай түмүккэ, Кировскай эрэллээхтик инники күөҥҥэ тахсан, үгүс дьону соһуттулар. Иккис-үһүс миэстэни Бэрдьигэстээх уонна Одуну үллэһиннэ.
Атын нэһилиэктэртэн төрдүс Мытаах, бэһис Солоҕон, алтыс Атамай, сэттис Маҥаны, ахсыс Октябрьскай уонна Маалтааны чэпчэки атлетика көрүҥүн түмүктээтилэр. Күрэхтэһии бэс ыйыгар салҕаныаҕа.
Вячеслав Алексеев