От ыйын 7 күнүгэр Таатта улууһун киинигэр Ытык Күөлгэ XXII Манчаары оонньууларын уота умайда. “Дьулуруйар Ньургун Боотур” стадиоҥҥа толору мустубут дьону Ил Дархан Айсен Николаев эҕэрдэлээтэ, ситиһиилэри, сиэрдээх күөн көрсүһүүлэри баҕарда.
Горнай улууһун хамаандата Саха норуотун күөн күрэһин бырааһынньыгар толору састаабынан киирдэ. Бу эмиэ хаһааҥҥытааҕар да улахан көрдөрүү буолар диэн бэлиэтиэх тустаахпыт.
Манчаары оонньууларын үөрүүлээх арыллыытыгар хамаанданы улуус баһылыга Никита Андреев салайан киллэрдэ. Хаһаайыттар түөрт сылга биирдэ ыытыллар тэрээһин, дьон өйүгэр-санаатыгар умнуллубаттыы хааларын туһугар бары кыһамньыларын уурбуттарын астына бэлиэтээтилэр.
Үлэ күүһэ
Виктор Семенов, Мичилийэ Кычкина хаартыскалара