Ааспыт өрөбүллэргэ скалолазаниеҕа Дьокуускайдааҕы 2 №-дээх оскуола Кубогын аһаҕас күрэхтэһиитэ буолла. Манна Александр Агеев аатынан оҕо спортивнай оскуолатын икки иитиллээччитэ кыттан, иккиэн пьедестал үктэлигэр тахсан, биһигини үөртүлэр.
Ол курдук, «Боулдеринг» диссипилиинэтигэр Кристина Захарова үрүҥ көмүс, Виктория Степанова боруонса мэтээли ылла. Тренер Василий Яковлев кэнники сылларга Олимпийскай көрүҥҥэ улахан хамсааһын баран эрэрин иһитиннэрдэ. Ону таһынан, күрэхтэһиилэргэ элбэх оҕо кыттарын этэр. Виктория улахан оҕолору кыайталаан, үс бастыҥ иһигэр киирбитин, Бу көрүҥҥэ Кристина эдэрдэргэ III разряды толорон, биир дьоһун ситиһиилэммитин бэлиэтээтэ.
Вячеслав Алексеев