Ааһан эрэр 2025 с. улууспутугар бастыҥ тыа сирин нэһилиэгэ аатын ылбыт Октябрьскай дьоно-сэргэтэ кэскиллээх үлэҕэ сылтан сыл дьулуһаллар. Бу күннэргэ Степан Ковров аатын орто оскуолаҕа саҥа массыына кэллэ.
Үөрэх-билии кыһатыгар угуйар оскуола оҕолор орто үөрэх кэнниттэн, выпускниктар олох киэҥ аартыгар анал идэлээх, бэлэмнээх үктэнэллэрин ситиһиэхтэрэ. Инники сылларга тыраахтарыыска үөрэтэр эбит буоллахтарына, инникитин массыынаны ыытарга быраабы биэриэхтэрэ. Онон олох сайдыытыгар киэҥ хабааннаах үлэни ыытаар нэһилиэк, оскуола салалтатын үлэтэ тахсыылаах буоллун диэн баҕа санаабытын аныыбыт.
Саҥа массыына ылалларыгар биир дойдулаахпыт, Ил Түмэн депутата Гаврил Алексеев күүскэ өйөөтө, көмөлөстө диэн олохтоохтор махталлара муҥура суох.
Вячеслав Алексеев