Илиҥҥи гороскоп биир чаҕылхай, күүстээх-уохтаах бэлиэтинэн, үүнэр сыл бэлиэтэ Уот кыһыл Ат буолар.
Бу сылы ааҕааччыларбыт хайы-үйэ хайдах көрсөрү былааннаан эрэр буолуохтааххыт. Үгэс курдук, эһиэхэ анаан бу сылы хайдах, тугу кэтэн, аһаан-сиэн көрсөрбүтүгэр тохтуохпут.
Уот кыһыл ат сылын элбэх буолан, бэһиэлэйдик көрсүөххэ сөп. Уот кыһыл ат ону биһириир.
Саҥа дьыллааҕы остуол сүрүн дьүһүннэрэ – кыһыл, кыһыл көмүс өҥ, шоколаднай уонна от күөх буолаллар. Харыйаҕа кыһыл уонна кыһыл көмүс дьүһүннээх оонньуурдары ыйыыры бу сыл бэлиэтэ биһириэҕэ.
Остуолу киэргэтэргэ кыһыл скатерть, ол үрдүнэн от күөх дорожканы ууруохха, иһиккитигэр маҥаны кытта, көмүстээҕи талыахха сөп. Өссө нобилистан композицияны, кыһыл, от күөх, кыһыл көмүс өҥнөөх чүмэчилэри ууран, остуолбутун ситэрэн биэрэбит. Чүмэчини бу сылга дьиҥнээҕи эрэ сэрэнэн туттары сүбэлииллэр, тоҕо диэтэххэ уот — 2026 сыл символа буолар. Ону тэҥэ, остуолга подкованы эбэтэр ат сувенирын уураргытын умнуман.
Таҥаска, кэрэ аҥаардар — страза, пайетка, люрекс олус үчүгэй! Былааччыйаҕыт матырыйаалыгар бархаты, атлаһы, парчаны, кыһыл, кыһыл көмүс өҥ, хараҥа халлаан күөҕэ, изумруднай өҥнөрү талыаххытын син. Киэргэлгэ бриллиан, көмүс, изумруд, рубин, сапфир — саҥа дьыллааҕы биэчэргитин киэргэтиэҕэ эрэ.
Эр дьоҥҥо — элегантнай көстүүм барсар ( постельные тона).
Менюга — хас биирдии бүлүүдэҕитигэр зелень туттаргыт булгуччулаах дииллэр. Аскытын порциянан ууруҥ, тарталеткаҕа кыһыл икра, крем-чиз, эттэн рулет, паштеттаах брускетто, сыр арааһын, креветкалаах канапе, элбэх салат ордук буолуо.
өссө:
— клюква соустаах эт рулет
— апельсиннаах кус
— яблоколаах хаас
— семгаттан стейк
десертка:
— красный бархат торт
Саха буоларбыт быһыытынан, убаһа этин, быарын сиири оччоҕо хайыыбытый диэн ыйытааччыларга, бэйэҕит билин эрэ диэн сүбэлиир кыахтаахпыт.
Күннэй Алексеева бэлэмнээтэ