Сэтинньи 15-16 күннэригэр Үөһээ Бүлүүгэ Анатолий Уларов сырдык аатыгар гиирэ спордугар өрөспүүбүлүкэтээҕи аһаҕас турнир буолла. Барыта 75 киһи күөн көрүстэ.
Горнайтан XXI Манчаары оонньууларын призера Виталий Ефимов 85 кг спортсменнар ортолоругар тэҥнээҕин булбата.
Кини гиирэтин “толчогар” – 64, “рывогар” – 100 өрө анньан, тус көрдөрүүтүн тупсарда. Виталий гиирэни илиитигэр ылыаҕыттан, бэйэтин көрдөрүүтүн куоһурарга аҕыс сыл устата дьулуспут. Дьэ, итинник уһун буолар дьаныардаах дьарык, тулуур, кыайыыга айан. Гировик уолбут, биһиги биир киэн туттар спортсмеммыт Владимир Оленов салалтатынан дьарыктанар.
Вячеслав Алексеев