Соторутааҕыта В.В.Филиппов аатынан улуустааҕы гимназияҕа төрөппүт уопсай мунньаҕа ыытылынна.
«Россияҕа сыл учуутала – 2023» куоҥкурус лауреата, гимназия учуутала Иван Дьяконов төрөппүттэргэ куоҥкуруска кытта сылдьан, атын регионнар оҕону иитиигэ, үөрэтиигэ хайдах, туох уопуту туһаналларын кэпсээтэ. Онно биһиги ааҕааччыларбытыгар, ордук эдэр төрөппүттэргэ 100 топ-ыйытыгы холобурдуохпутун баҕарабыт.
Төрөппүттэр оҕолоргутугар оскуолаҕа күннэрэ хайдах ааспытын ыйыталаһарга, истиҥник кэпсэтэргэ оҕоҥ эйиэхэ арылларыгар маннык толкуйдатар ыйытыылары туһаныаххын сөп.
Бу курдук хаһыаппыт хас биирдии нүөмэригэр биэстии ыйытыыны бэчээттиэхпит.
- Оскуолаҕа, уһуйааҥҥа бүгүн саамай ханнык түгэни өйдөөн хааллыҥ?
- Бүгүн туох саҥаны биллиҥ?
- Туох (ким) бүгүн эйигин үөртэ?
- Ким бүгүн саамай күлүүлээх, бэһиэлэй, соччото суох быһыыланна?
- Эйигин бүгүн туох ордук соһутта?
«Үлэ күүһэ»