Орджоникидзе оройуонун биллиилээх булчута Захар Владимирович Шилов 4000 куобаҕы бултуур эбэһээтэлистибэлээх эбит.
Аҕа дойду Улуу сэриитин сылларыгар саха дьонун хоргуйууттан куобах мэнээгэ быыһаабыта диэн элбэхтик суруйаллар.
Ону бу сэрии иннинэнээҕи «Кыым» хаһыат ыстатыйата бигэргэтэр.
Онно маннык этиллэр :
—. .. Биллиилээх булчут бу күннэргэ 3000 тахса куобах тириитин уонна этин государствоҕа туттарда. Итинэн кини Булгунньахтаах наспотун кытта оҥостубут договорун 200 бырыһыан толордо.
Таб.Шилов улуу Октябрьскай революция 23 сыла туолуутун 4000 куобаҕы бултаан государствоҕа туттарарга күрэхтэһэр…
Чахчы чулуу булчут эбит. 15 км тайаан сытар бултуур сиригэр 400 сохсолооҕун автор М.Капустин суруйбут.
Быйыл улууспутугар кэлиҥҥи куруҥмутугар, куобах мээнэ үөскээн эрэр эбит диэн нэһилиэктэргэ кэпсэтэллэр. Онон быйыл куобах көҥүллэннэр, муостааҕы эккирэппэт дьоҥҥо лаппа туһалыа этэ.
Василий Алексеев