Ааспыт ый бүтэһик күннэригэр Турцияҕа дуобакка Аан дойду Кубогын ылар иһин тыҥааһыннаах күрэхтэһии буолла. 27 дойдуттан 273 спортсмен, кинилэр ортолоругар 30 гроссмейстер күөн көрсүбүтэ, олус сытыы оонньуулар барбыттарын көрдөрөр.
Кэрэ аҥаардарга биһиги кыыспыт Тунаара Федорова чаҕылхайдык кытынна. Кини уопсай түмүккэ Белоруссияттан сылдьар Аан дойду чемпиона Виктория Николаева кэнниттэн иккис миэстэни ылары ситистэ. Үһүскэ Виктория Иванус (Россия) таҕыста.
Тунаара Федороваҕа бу ситиһиитин Аан дойду спордун маастара үрдүк аат иҥэрилиннэ. Бу Кубок түмүгүнэн, биһиги кыыспыт кэлэр сылга Аан дойду чемпионатыгар кыттарга тус путевка ылар чиэстэннэ.
Вячеслав Алексеев