Бу хаартыскаларга Өрт аҕыс кылаастаах оскуолатын үөрэнээччилэрэ сайыҥҥы сынньалаҥнарыгар холкуоска көмөлөһөн, от үлэтигэр кытталлар.
Кинилэр 1966 с. Сиинэ Дүүдэҥдэ алааһыгар олус ситиһиилээхтик үлэлээбиттэрэ.
Ат косилкатынан оҕустараллара уонна эмиэ ити курдук атынан мунньаллара. Ол эрээри сүрүн үлэ илиинэн этэ.
Дүүдэҥдэ алааһыгар ити сайын сорох сирдэригэр, аты кытта тэҥнэһэр үрдүктээх от үүммүтэ.
Звенону Константан Николаевич Семенов, учуутал Николай Николаевич Максимов салайаллара.
Хаартыскаҕа оҕолор Ион Михайлов, Саша Тарасов, Нюта Абрамова, Юра Осипов о.д.а көстөллөр.
Николай Николаевич хаартыскаҕа түһэриитэ.
Солоҕонтон Татьяна Константиновна Ефремова дьиэтээҕи архыыбыттан ылылынна.
Василий Алексеев