Дойду Президенэ Владимир Путин «Үөрэҕирии» национальнай бырайыагын чэрчитинэн оскуолаларга сүҥкэн үлэлэр ыытыллаллар. Үөрэх тэрилтэлэрэ материальнай-техническэй баазалара тупсар, IT технологиялара киирэллэр, каадырынан хааччыллаллар.
Татьяна Павлова, В.Д.Лонгинов аатынан Атамай орто оскуолатын методиһа:
— Биһиги оскуолабытыгар 123 үөрэнээччилээхпит, 42 үлэһиттээхпит. Президент гранынан үбүлэммит «Сайдыы» научнай Агролаборатория үлэтэ олоххо киирбитэ. «Исток» учууталлар түмсүүлэрэ 4 төгүллээх Дойду Президенин гранын хаһаайыттара буолаллар. Грантовай бырайыактар чэрчилэринэн оҕо сайдарыгар анаммыт элбэх тэрээһин ыытылынна, усулуобуйа оҥоһулунна.
«Үүнүү точката» диэн естественнэй-научнай уонна технологическай хайысхалаах саҥа үөрэх киинэ арылынна. «Биология», «Химия», «Физика», «Технология» предметтэригэр анал оборудованиелар кэллилэр. Оҕолор бу предметтэри дириҥэтэн, интэриэһиргээн үөрэтэллэр, научнай чинчийиилэри оҥороллор.
Билигин өр күүппүт баҕа санаабыт туолан, саҥа оскуолабыт тутулла турар.
