Алтынньы 18 күнүгэр Дьоруой аатын сүгэр оскуолалар икки ардыларыгар, Дьокуускайдааҕы кадеттар оскуолаларыгар өрөспүүбүлүкэтээҕи доҕордоһуу күрэһэ ыытылынна.
Күрэскэ Саха сирин оскуолаларыттан 16 Дьоруой аатын сүгэр оскуола кытынна. Ол иһигэр Горнай улууһуттан Сэбиэскэй Сойуус Дьоруойа Владимир Лонгинов аатын чиэстээхтик сүгэр Атамай орто оскуолатын «Лонгиновцы» кулуубун 9 бастыҥ иитиллээччитэ кытынна.
Күрэс иһинэн ыытыллыбыт «Математический квиз» оонньууга биһиги үөрэнээччилэрбит тэҥнээхтэрин булбатылар. Кинилэр 16 хамаандаттан бастакы миэстэни ылан кыайыы өрөгөйүн биллилэр уонна кубогынан наҕараадаланнылар.
Татьяна Павлова, Атамай.