Сэтинньи 24-28 күннэригэр Спасск-Дальний куоракка буулдьанан ытыыга Приморскай кыраай Кубогын финала уонна биирдиилээн бастыыр иһин күрэхтэһии буолла. Манна Саха сирин сүүмэрдэммит хамаандатын састаабыгар Бэрдьигэстээххэ Олимпийскай эрэллэри бэлэмниир өрөспүүбүлүкэтээҕи оҕо спортивнай оскуола уонна Томпотооҕу филиал иитиллээччилэрэ ситиһиилээхтик кытыннылар.
Ол курдук Кубокка үс бастыҥ иһигэр киирдилэр: ВП-60 упражнениеҕа. II миэстэҕэ Андрей Бойков, III – Афанасий Егоров, ВП-60, ВП-40 – II Сюзанна Румянцева, ПП-СС – II Катерина Александрова, I – Тимир Алексеев, Хамаанданан ытыыга – I Саха сирэ-1(Афанасий Егоров, Василий Иванов, Валерия Винокурова, Катерина Александрова), III – Саха сирэ-2 (Сюзанна Румянцева, Кристина Владимирова, Андрей Бойков, Дамир Фомин) таҕыста.
Приморскай кыраайга биирдиилээн бастыыр иһин күрэхтэһиигэ:
ВП-60 – I миэстэни Афанасий Егоров, Валерия Винокурова, III – Сюзанна Румянцева, ВП-40 – II Сюзанна Румянцева, Андрей Бойков, ПП-СС – I Катерина Александрова, Тимир Алексеев ыллылар.
Оҕолор Сюзанна Румянцева, Афанасий Егоров, Василий Иванов, Катерина Александрова бу ситиһиилэринэн «Азия оҕолоро» норуоттар икки ардыларынааҕы оонньууга бэлэмнэнии быһыытынан, өрөспүүбүлүкэ сүүмэрдэммит хамаандатын састаабын көрүүтүгэр киирдилэр. Тренердэр Марк Никифоров, Сергей Алексеев.
Вячеслав Алексеев