Баһаарынай сорудахтар тэрилтэлэргэ уопсай рейдэлэр чааһынай ыалларынан кэрийэн билии-үөрэх тэрилтэлэринэн тэрээһиннэр, күрэхтэр уонна баһаартан сэрэтии, өйдөтүү үлэтэ тиһигин быспакка ыытыллаллар.
От ыйын 8 күнүгэр диэри Горнай улууһун үрдүнэн 5491 киһи сэрэтии, өйдөтүү үлэтин аастылар, 880 чааһынай дьиэ, 213 элбэх киһи олорор уопсай дьиэлэрэ, ол иһигэр 255 элбэх оҕолоох ыаллар.
Горнай улууһун үрдүнэн 14 баһаар буолла (былырыын баччаҕа 15 баһаар – 8,3%). Чааһынай киһи олорор сиригэр 6 баһаар буолла, ол эбэтэр, чааһынай дьиэ – 1 баһаар, гараастарга, ыаллар баанньыктарыгар уо.д.а. тиэргэннэригэр баар араас тутууларга – 5 баһаар регистрацияланна.
Ону таһынан: үөрэх билии оскуолатыгар 2 баһаар, массыыналарга уонна грузовой техникаҕа – 3, маҕаһыыҥҥа – 1, сыбаалкаҕа – 1, электротрансформаторнай подстанцияҕа 1.
Бу тахсыбыт баһаардар биричиинэлэринэн буолаллар: оһохтоох ыаллар оһохторун туругуттан, ол эбэтэр кэмигэр көрүнэ, өрөмүөн үлэтин ыыппаттарыттан, уот ситимин, ол эбэтэр электропроводка тардыллыыта, оҥоһуллуута быраабылаҕа эппиэттээбэтиттэн, чааһынай бас билэр дьиэлээхтэр утары итэҕэстэрин туоратан, анал үөрэхтээх электромонтерга оҥотторботторуттан, баһаарынай быраабыланы тутуспаттарыттан, массыыналар умайааһыннара – бу барыта дьон дьалаҕай сыһыаныттан баһаардар тахсаллар.
Өрөспүүбүлүкэ үрдүнэн биллэриллибит «Предупреди пожар – установи АДПИ» акция бу сыл бүтүөр диэри салҕанан бара турар. Биһиги улууспутугар бу хамсааһыны улуус дьаһалтатыттан саҕалаан биирдиилээн тэрилтэлэр уонна нэһилиэктэр баһылыктара өйөөн саҕалыыргытыгар ыҥырабыт!
Баһаартан сэрэхтээх эрэ буолуу быраабылатын тутустахпытына, бу олохпутугар буолар алдьархайдаах баһаардар үтүмэн үгүс ахсааннара кыччыа этилэр.
Хаһан да, ханна да буоллун, өскөтүн эн буруо ааҥнаабыт ол эбэтэр буруо тахсыбыт сибикитин көрдөххүнэ—биллэххинэ тута баһаарынай «101» нүөмэринэн эрийэн биллэрэргин умнума! Бу «101» баһаарынай суһал көмө нүөмэрин бары билиэх тустаахпыт. Чугас дьоҥҥутугар, оҕолоргутугар, сиэннэргитигэр, кырдьаҕас дьоҥҥутугар бары уон тарбах курдук билэллэригэр кыһаллыаҕыҥ.
Күндү улууспут олохтоохторо!
Баһаартан сэрэхтээх буолуу хас биирдиибититтэн тутулуктааҕын умнумуоҕуҥ.
Горнай улууһун 16 №-дээх баһаары утары охсуһар этэрээт сэрэтэр.