Бүгүн Бэрдьигэстээххэ Олимпийскай эрэллэри бэлэмниир өрөспүүбүлүкэтээҕи спортивнай оскуола саалатыгар баһаартан сэрэхтээх буолар туһугар нэһилиэктэргэ тэриллибит, добровольнай баһаарынай хамаандалар бастыҥ ааты былдьастылар.
Бу маннык хамаандалар Бэрдьигэстээхтэн, Одунуттан (баһаарынай чаас баар) ураты бары нэһилиэктэргэ баллар. Эдэр эрчимнээх уолаттар баһаартан сэрэхтээх буоларга көхтөөх үлэни ыыталлара бэлиэтэнэр.
Бу күн Атамай, Мытаах, Маалтаны ыччаттара баһаар буолар түгэнигэр төһө бэлэмнээхтэрин көрдөрдүлэр.
Кинилэр туруктарын 16√-дээх баһаарынай чаас байыастара бэрт болҕомтолоохтук көрдүлэр. Сыыһаларын-халтыларын көннөрөн, сүбэ-ама биэрдилэр.
Уолаттар тест толоруутугар, бойуопканы кэтиигэ, быа байыытыгар, рукав тутан баран 100 м сүүрүүгэ, комбинированнай эстафетаҕа илин-кэлин түстүлэр.
Түмүккэ, Атамай хамаандата кыайыылааҕынан таҕыста. Пьедестал иккис-үһүс үктэлин Мытаах Маалтааны баһаарынай хамаандатын уолаттара үллэһиннилэр.
Вячеслав Алексеев