Алтынньы 7 күнүгэр улууспут баһылыга Никита Андреев салайааччылаах бөлөх СВО-ҕа сылдьар уолаттары көрсө, туохха ордук наадыйалларынан төһө кыалларынан ылан биэрэр сыаллаах уонна улуустан гуманитарнай көмө илдьэ айаҥҥа туруммуттара.
Никита Викторовиһы кытта Бэрдьигэстээх, Маҥаны, Атамай баһылыктара Алексей Аргунов, Михаил Текеянов, Айсен Павлов бардылар. Москубаҕа тиийэн, постпреды Андрей Сандаминовичтыын көрүстүлэр. Салгыы таһаҕастарын тиэнэн, Донбаска уолаттары көрсөн гуманитарнай көмөлөрүн туттаран, бүгүн Запорожьеҕа айаннаатылар.
Ону таһынан билигин опорнай пууҥҥа үлэлии сылдьар Одуну нэһилиэгин баһылыгын Владимир Текеяновы көрүстүлэр.
Онон СВО-ҕа сылдьар биир дойдулаахтарбыт күүтүүлээх кэһиилэрин тутан, баһылыктарын кытары атах тэпсэн олорон сэһэргэһэн, санааларын этинэн, төрөөбүт дьиэлэрин-уоттарын сонунун дуоһуйа истэн, санаалара бөҕөргөөтүн!
Баһылыктарбытыгар ситиһиилээх уонна көдьүүстээх айаны баҕарыаҕыҥ.
Күннэй Алексеева