Соторутааҕыта Оҕо күнүн үөрүүлээх тэрээһинигэр улуус баһылыга Никита Андреев сынньалаҥ пааркатыгар быйылгы «Сыл бастыҥ кылааһа» буолбут оҕолорго бириэмийэлэрин сертификатын, Дипломнарын үөрүүлээх быһыыга-майгыга туттарда.
Билэрбит курдук, сыл бастыҥ кылааһа буолар иһин, улууспут бары оскуолалара үөрэх дьылын тухары 15 араас көрүҥҥэ күрэстэһэллэрэ үтүө үгэс буолла. Оҕолор бу улахан, эппиэтинэстээх уонна үчүгэй бириистээх күрэскэ кыайыылаах буолар иһин, ис дууһаларыттан кыһаллаллар, үөрэхтэрин хаачыстыбатын үрдэтэллэр, бэрээдэги кэһиини туораталлар.
Быйылгы үөрэх дьылыгар алын сүһүөх кылаастарга 7 кылаас, орто сүһүөххэ 8 уонна улахан кылаастарга 10 кылаас кытынна.
Алын сүөһүөх кылаастарга бастыҥнарынан ааттаннылар:
- 3 истиэпэннэх Диплом — Кировскай орто оскуолатын 3 кылаастара, кылаас салайааччыта Лукерия Васильевна Платонова
- 2 ист Диплом, Сэмэн Данилов аатынан Бэрдьигэстээх оскуолатын 3 «Б» кыл., кыл. сал. Марианна Ивановна Николаева
- 2 ист. Диплом, Савва Тарасов аатынан Өрт оскуолатын 3 кыл., Эльвира Владиславовна Шадрина-Семенова
Бу бөлөххө кыайыылаахтарынан Лука Харитонов аатынан Одуну оскуолатын 4 кылааһын үөрэнээччилэрэ, кылаас салайааччыта Айта Васильевна Пахомова буолан, улуус баһылыгын 70 тыһ солк. бириэмийэтинэн биһирэннилэр.
Орто сүһүөххэ:
- 3 истиэпэннээх Диплом, Степан Тимофеев-Кустуктаанап аатынан Маҥаны оскуолатын 6 кылаастара, кыл. сал. Анастасия Васильевна Николаева
- 2 ист. Диплом, Василий Филиппов аатынан улуустааҕы гимназия 7 кылааһа, кыл. сал. Оксана Тихоновна Оваре
Бу бөлөххө кыайыылаахтарынан Туйара Александровна Тарасова салайааччылаах Өрт оскуолатын 6 кылааһын үөрэнээччилэрэ буолан, 80 тыһ. солк. ылары ситистилэр.
Улахан кылаастарга:
- 3 истиэпэннээх Дипломунан улуустааҕы гимназия 10 кылааһа, кылаас салайааччыта Ольга Анатольевна Андреева.
- 2 истиэпэннээх Диплом, Кэптин оскуолатын 10 кыл., кыл.сал. Алена Иннокентьевна Григорьева.
Бу бөлөххө кыайыылаахтарынан Маҕарас оскуолатын 10 кыл. үөрэнээччилэрэ, кыл.сал. Матрена Семеновна Саввинова буолан, 400 тыһ. солк бириэмийэлэннилэр.
Кыайыылаах кылаастары, төрөппүттэри эҕэрдэлиибит!
Бу курдук, сылын аайы ыытыллар күрэскэ бары оскуолалар көхтөөхтүк кыттан, оҕолорбут билиилэрэ-көрүүлэрэ сыллата эбиллэн, үүнэн-сайдан истиннэр. Улууспут салалтатыгар маннык күрэһи тэрийэригэр төрөппүттэр, учууталлар ааттарыттан махталбытын биллэрбит.
Күннэй Алексеева.
Хаартыскалар: Горныйулус.рф сайтан.