Бүгүн Бэрдьигэстээх киинигэр күрүлүүр күнүс 5 сүөһү мэччийэ сылдьан соһуччу өллүлэр. Сүөһүлэр орулуур, эрэйдэнэр видеолара ватсап ситимигэр тарҕанан олохтоохтору аймаата. Ааҕааччыларбыт редакция ватсап бөлөҕөр: «эмиэ💥эл замыкание баара буолуо, теплотрасса тимир турбатыгар, тугу эрэ сиэтэхтэрэ буолуо, помояттан, эл.тестерынан ити теплотрасса таһын проверкалыахха сөп, на наличие эл.тока, бары биир сиргэ охтубуттара дьиксиннэрэр, аһыы от баара буолуо да, билигин… Күрүөлэрин оҥоро охсон сабыахтарын наада, атын сүөһүлэр киирбэт гына, ханна эрэ сиэн баран кэлбиттэрэ буолуон сөп сразу истэрэ ыллэ охсубат… Эрэйдээхтэри.Уокка озустарбыттар быьылаах дии» — диэн санааларын этиннилэр… (дьон суруга уларытыыта суох)
Ветеринария сүөһүлэр туохтан өлбүт биричиинэлэрин быһаарыыга тута ылыста. Билигин 5 сүөһүнү барытын иһин арыйан Дьокуускайга анализка ыыталлар.
Ол иннинэ РЭС-тан кэлэн анал приборунан сүөһүлэр өлбүт сирдэрин чинчийбиттэрэ 40 кВт баарын бэлиэтээбиттэр. Сүөһүлэр бары биир эрээккэ сыталлара тоҕо эрэ дьикти. Билэр дьон этэринэн тэҥҥэ үктээтэхтэринэ туох эрэ круг үөскээн уот охсуута күүһүрүөн сөп дииллэр, сүөһүгэ кыра да вольт наада…
Онон бу дьикти уонна икки ыал хаһаайыстыбатыгар тахсыбыт улахан хоромньу тахсыыта сабаҕалааһын быһыытынан уокка оҕустарыы буолуон сөп.
Билигин өлбүт сүөһүлэр хааннарыттан анаалыс уонна куртахтарыгар баар астан боруоба ыланнар, лабораторияҕа чинчийэ ыытыахтара. Ол чинчийии түмүгүнэн сүөһүлэр өлбүт биричиинэлэрэ быһаарыллыаҕа.