Улууспутугар хаарбах уонна саахалланар туруктаах дьиэттэн дьону көһөрүү бырагыраама тэтимнээхтик үлэлиир.
Уута-хаара суох, сииктээх, тымныы, эргэ дьиэҕэ олорбут дьон былааннаммыт болдьоххо сабыс-саҥа, сырдык кыбартыыраларга олохсуйдулар. Онон саҥа кыбартыыраламмыт дьон судаарыстыбаҕа махталлара муҥура суох.
Бу күннэргэ Бэрдьигэстээххэ 33 эргэ, уопсай дьиэлэри көтүрүү үлэтэ саҕаланна. Ленина, Строда, Павлова уулуссаҕа турар эргэ кыбартыыралар хайы-үйэ көтүрүллэн, үлэ күөстүү оргуйар.