«Берлиҥҥэ тиэрдибит суол» диэн сонун бырайыак саҕаланна

Бүгүн Бэрдьигэстээххэ «Эрчим» диэн хаалыктаах хаамыынан дьарыгырар түмсүү кыттыылаахтара «Берлиҥҥэ тиэрдибит суол» диэн бырайыактарын саҕалаатылар.

Эйэлээх олоҕу аҕалбыт биир дойдулаахтарбыт Бэрдьигэстээхтэн Берлиҥҥэ диэри 10 тыһ.238 км. айаннаан, кыайыыны аҕалбыттарын хаһан да умнубаппыт.

Ол курдук, хас биирдии хаалыктаах хаамыынан дьарыгырар кыттааччы бу күнтэн саҕалаан, 5 км. хаамтаҕына, 3 ый устата 450 км. барыахтаах. Күн аайы 20 киһи хаамтаҕына кыайыы өрөгөйдөөх күнүн ааҕан туран, соруктаах хаамыы олоххо киириэхтээх диэн былаанныыллар.

Улуу Кыайыы 80 сылын көрсө анаммыт кэскиллээх хамсааһын ийэ дойдуга бэриниилээх буоларга кынаттаатын.

Нина Сутакова