Мин 1928 с. төрөөбүтүм. 1938 с.оскуолаҕа үөрэнэ киирбитим. Оскуолабыт Таатайга баара. Учууталым Варвара Спиридоновна Баишева этэ. Дириэктэрбит Федор Григорьевич Винокуров (Даадар). Үөрэхпэр үчүгэйим уруһуйга эрэ «үстээҕим». Оскуоланы 1942 с.бүтэрбитим.
Үөрэнэ сырыттахпына, биирдэ сэттэ саастаах оҕону батыһыннара сылдьар күрүөйэх дьон -хаайыылаахтар ааспыттара. Учууталбыт: «бу бачча кыра ошону тоҕо эрэйдиигит? Манна хаалларын,» диэбитэ. Ону ол дьон ылымматахтара. Түгэнэҕэ тиийэллэригэр куттаммыппын өйдүүбүн. Ол дьону Бэрдьигэстээххэ туппуттар үһү.
Ити үөрэнэ сырыттахпытына: «Икки сыананы ыллахпына, сэриигэ советскай дьон өлөрүгэр көмөлөһөҕүн» — дииллэрэ. Ону биһиги бары итэҕэйэр этибит.
Ол иһин төһө кыалларынан үчугэй сыананы ыла сатыырбыт.
Сэрии сылларыгар оскуолаҕа маспытын бэйэбит кэрдэрбит. Муҥхаҕа сылдьарбыт. Сайын оҕолор окко үлэлиирбит. Мин онно өрөспүүбүлүкэтээҕи куонкуруска кыттан, алтата бириэмийэ ылбытым.
Анисия Петрова,
Горнай улууһун Бочуоттаах гражданина,
тыыл, үлэ бэтэрээнэ.
Бэрдьигэстээхтээҕи кыраайы үөрэтэр музей