Бүгүн Афанасий Парфенов аатынан спортивнай комплекска олохтоох урбаанньыттар, Бэрдьигэстээх ыалларыгар күөх төлөн ситимин тардыытыгар үлэлэһэ сылдьар бэдэрээтчит “САХАВЕЛГДИНГ”, “ГАЗСВЕТ” тэрилтэлэрин өйөбүлэринэн бильярд спордугар аһаҕас турнир буолла.
Бэрт сытыы киирсии кэнниттэн I миэстэни Афанасий Александров (Бэрдьигэстээх),
II Василий Семенов (Маҕарас), III Андрей Уразбахтин (Өрт) ылла. Бэтэрээннэргэ I миэстэҕэ Анатолий Максимов (Бэрдьигэстээх), II Егор Федоров (Күөрэлээх), III Александр Максимов (Мытаах) таҕыстылар.
Биир оонньууга тохтоло суох, лузаҕа сэттэ саары киллэрбит эдэр кэскиллээх оонньооччу Василий Семенов анал биирииһинэн наҕараадаланна.
Күрэхтэһии кыттыылаахтара бэрт сыаналаах бириистэри тутан сөхтүлэр, махтайдылар. Эр дьоҥҥо олус наадалаах “болгарка”, “чочу”, массыына күлүүһүн наборун, маҕаһыынтан сертификаттар олохтоммуттарыттан астыннылар.
Вячеслав Алексеев