Бэрдьигэстээх аҕам саастаах дьоно Бор алааһыгар көмүс күһүнү көрүстүлэр.
Норуот суруйааччылара Сэмэн, Соппуруон Даниловтар, улуу худуоһунньукпут Афанасий Осипов төрөөбүт алааһын кэрийэн көрдүлэр. Сэмэн Данилов хоһоонноругар күрэххэ Евдокия Тарасова, Екатерина Егорова, Таисия Гаврильева бастыңнарынан ааттаммыттар. Ырыа күрэһин кыайыылаахтара — Лариса Эверстова, Антонина Антонова, Таисия Гаврильева.
Бэтэрээннэр айылҕа бэлэҕин отону үргээтилэр, Марина Гермогенова кыайыылаах аатын сүктэ. Оһуохайынан түмүктээтилэр, оһуохайы Евдокия Тарасова, Людмила Кононова таһаардылар. Мытаах музейыгар экскурсиялаатылар.
Бу тэрээһини бэтэрээннэр түмсүүлэрин салайар Дмитрий Агеев уонна кини көмөлөһөөччүлэрэ Наталья Васильева, Антонина Парфенова иилээн-саҕалаан тэрийдилэр.
Автобуһунан хааччыйбыт ресурснай киин салайааччытыгар Илья Александровка, суоппарга Альберт Жерготовка уонна сүүрбүт-көппүт түмсүү активыгар махталбытын тиэрдэбит.
@berd_admin