Бүгүн Мэхээлэ Дьөгүөрэп аатынан Сынньалаҥ киинэ оҕолор чугдаарар саҥаларынан, дьон-сэргэ үөрүүтүнэн киэркэйдэ.
Бэрдьигэстээх норуодунай тыйаатыра төрүттэммитэ 55 сылыгар аналлаах үөрүүлээх күнэ тосхойдо.
Айымньылаах айар түһүлгэ Бэрдьигэстээх норуодунай тыйаатырын аргыһа А.Н.Осипов аатынан Бэрдьигэстээх орто оскуолатын иһинэн үлэлиир «Юный актер» тыйаатыр куруһуогун артыыстарын толоруутугар Льюис Кэрролл «Алиса в зазеркалье» диэн нууччалыы тылынан испэктээк остуоруйа ытыс дохсун тыаһынан доҕуһуолланна, көрөөччүлэр сэҥээриилэрин ылла.
Кэрэлиин аргыстаһар талааннаах артыыстарбытыгар, куруһуок уус-уран салайааччытын Евдокия Мартынованы, норуодунай театр режиссерун Елизавета Мартынованы эҕэрдэлиибит, үрдүк ситиһиилэри баҕарабыт.
Нина Сутакова