Улууспутугар туризм хайысхата тэтимнээхтик сайдар. Бүгүн Бэрдьигэстээххэ Виталий, Агафия Романовтар кэрэ көстүүлээх Маатта эбэ биэрэгэр «Бэс кытыл» диэн аныгылыы тутуулаах дьон сынньанар дьиэлэрин үөрүүлээх арыллыыта буолла.
Бу бырайыак олоххо киирэригэр улуус, нэһилиэк дьаһалталарын граннара, УҺук Илиҥҥи гектаар бырагыраама төһүү күүс буолбут. Дьоро күҥҥэ улуус, нэһилиэк баьылыктара Никита Андреев, Алексей Аргунов уо.д.а кыттыыны ыллылар, үөрүүлэрин үллэһиннилэр, эдэр ыалга үрдүк ситиһиилэри баҕардылар.
Улууспут дьоно-сэргэтэ, ыалдьыттара кэрэ көстүүлээх, бэс чагда быыһыгар Даамба биир үрдүк кытылыгар сибиэһэй салгыҥҥа кэлэн, сынньанар усулуобуйалара барыта тэриллибит. «Бэс кытыл» сынньанар бааза үөрэ-көтө ыалдьыттарын сынньалаҥнарын туһалаахтык, умнуллубаттык атааралларыгар ыҥырар.
Нина Сутакова