Майаҕа чаҕылхай спортсмен, норуот тапталын ылбыт ырыаһыт Аркадий Алексеев бирииһигэр спорт биэс көрүҥэр, өрөспүүбүлүкэ бастыҥ спортсменнара түмсэн, бэйэлэрин кыахтарын тургуттулар.
Бастакы көрүҥнэртэн Дыгын оонньууларын кыайыылааҕа Дьулустаан Ноговицын лидер буоларын көрдөрдө. Күүс холонууларга иннигэр кими да киллэрбэтэҕин дьон сөҕө көрдө.
Уопсай түмүккэ, Горнай уола кыайыылаах үрдүк аатын ылан, сүрүн бириис хаһаайынынан буолла.
Вячеслав Алексеев