Нэһилиэк сүрүн тэрилтэтэ Почта буолар. Бэс Күөлүгэр 1953 с. почта арыллыбыта. Онтон 1960 с. сибээс, телефон линията холбонон тардыллыбыта. Почта үлэтин сүрүн хайысхатынан нэһилиэнньэни араас өҥөнөн хааччыйар. Ол курдук, бэчээккэ сурутуу, тириэрдии үлэтин ыытар, корреспонденция араас көрүҥүн баһыылкалары тутар, биэнсийэ, пособие түҥэтэр, ону тэҥэ табаар, бородуукта араас көрүҥүн атыылыыр.
Билиҥҥи кэмҥэ Бэс Күөлүн почтатын отделениетыгар 2019 с. Луиза Васильева таһаарыылаахтык үлэлиир.
Сыллата почта үлэтигэр ирдэбил үрдүүр. Луиза Яковлевна билиитин-көрүүтүн сатабылын уурар. Кини почтаҕа киирдэххэ элэккэй, сайаҕас майгыта бар дьону үөрдэр.
Билиҥҥи сайдыылаах үйэҕэ киһи билбэтэ-көрбөтө баһаам, аҕам саастаах дьоҥҥо сүбэлээн-амалаан биэрэрэ махталлаах. Үлэтин, бириэмэтин аттаран, элбэх оҕолоох ийэ нэһилиэк общественнай олоҕор актыыбынайдык кыттар. Ол курдук «Күндүүнэ» үҥкүү, «Айыллаана» ырыа ансаамбыл көхтөөх кыттааччыта буолар.
Сайдам-сайаҕас, эдэр-эрчим, истиҥ-иһирэх үтүө майгылаах Луиза Яковлевнабытыгар ылыммыт сыалын ыпсан истин, кэрэ санаа кэккэлэстин, дьиэ кэргэнигэр дьоллоох олоҕу баҕарабыт.
Валентина Яковлева