Бүгүн Ил Дархан Айсен Николаев ааһан эрэр 2024 с. бастыҥ дьоннорун кытары көрүстэ. Ыҥырыылаахтар ортолоругар биһиги улуус ыччаттара киирбиттэриттэн киэн тутуннубут.
Ол курдук, РФ Президенэ Владимир Путин илии баттааһыннаах наҕараадалары дьон олоҕор куттал суоһаабытыгар, ыксаллаах быһыыга-майгы кэмигэр туора турбакка, үс оҕону ууттан таһаарбыт Петр Алексеев “Дьону өлөр өлүүттэн быыһаабытын иһин” мэтээлинэн уонна Ийэ дойду көмүскэлигэр СВО-ҕа хорсун быһыыны көрдөрбүт Борис Федотов “Хорсунун иһин II степэннээх” мэтээлинэн наҕараадаланнылар.
Эр санаалаах хорсун уолаттарбытын эҕэрдэлиибит, киэн туттабыт.
Вячеслав Алексеев