Олунньу 8-9 күннэригэр Дьокуускайга оҕолорго өрөспүүбүлүкэҕэ атах оонньуутугар бастыыр иһин күрэхтэһии ыытылынна.
Өрөспүүбүлүкэ күрэхтэһиититтэр үтүөкэн сонун кэлэн үөртэ. Горнайтан икки оҕобут Бэрдьигэстээхтэн Инесса Кузьмина кылыыга-II миэстэ, ыстаҥаҕа-II, Одунуттан Эдуард Ксенофонтов кылыыга-III, ыстаҥаҕа-I, куобахха II, абсолютнайга III миэстэ буоллулар.
Оскуола оҕолоругар лидердар ортолоругар ааттаныы элбэххэ эбээһинэстиир. Манчаары оонньууларыгар киириигэ бэлэмнэнии үктэл быһыытынан сыаналыахха сөп.
Эдик көрдөрүүтүн сыл аайы тупсарыыга ситимнээхтик үлэлэһэр. Бу күрэхтэһии түмүгүнэн СӨ спордун маастарыгар кандидат нуорматын толорбутунан эҕэрдэлиибит.
Түгэнинэн туһанан, хотугу многоборьеҕа СӨ хамаандатын састаабыгар киирэн, Россия күрэхтэһиитигэр бараары бэлэмнэнэ сылдьар Алгыс Михайловка ситиһиилэри баҕарабыт.
«Далаһа» пресс-киинэ. Одуну.