Александр Агеев аатынан оҕо спортивнай оскуолатыгар 627 оҕо спорт 15 көрүҥэр умсугуйан туран дьарыктанар. Оҕолор олоххо бэлэмнээх буолалларыгар, спорду, чөл, чэгиэн олоҕу тутуһалларын, спорка ситиһиилээх буолалларын туһугар уопуттаах тренердэр үлэлииллэр-хамсыыллар, сүбэлииллэр-амалыыллар. Оҕолорго табыгастаах буоллун диэн икки бөлөххө арахсан дьарыктыыллар.
Спортивнай оскуола Бэрдьигэстээх киинигэр элбэх хайысхалаах спортивнай комплекска баар. Кэлэктиипкэ 23 тренер киирэр.
Дириэктэр Егор Захаров, солбуйааччы Прокопий Пахомов.
Бары көрүҥнэргэ оҕолор олус сөбүлээн дьарыктаналлар. Дуобат тренердэринэн Степан Заровняев уонна Чаҕыл Заровняев үлэлииллэр.
Горнай улууһугар олохтоммут бокса секциятыгар Семен Румянцев, Валентин Аргунов уонна Борис Сидоров дьарыктыыллар.
Чэпчэки атлетикаҕа, национальнай ыстаныы тренердэринэн Владимир Петров, Эдуард Санников үлэлииллэр.
Футбол көрүҥэр тренердэр Аркадий Васильев, Алексей Григорьев.
Спорт саҥа көрүҥэр скалолазаниеҕа Василий Яковлев тренердиир.
Доруобуйаларынан хааччахтаах оҕолору кытары үлэ тренерэ Петр Никулин.
Мас тардыһыытын көрүҥэр Александр Соловьев дьарыктыыр.
Ону таһынан волейбол көрүҥэр тренердэринэн Александра Иванова, Владислав Слепцов, хапсаҕайга Эрхаан Соркомов сүбэ-ама биэрэллэр.
Спортивнай оскуола киэҥ хабааннаах үлэни ыытар туһуттан Кэптин, Бэс Күөл, Өрт, Маҕарас, Күөрэлээх сэлиэнньэлэригэр филиаллара ситиһиилээхтик үлэлииллэр.
Вячеслав Алексеев