Аҕыйах хонуктааҕыта Дьокуускайга буулдьа саатынан ытыыга “Сервис-Ойл” ХЭТ филиалларын ортотугар күрэхтэһии буолла. Манна “Туймаада- Нефть” тэрилтэтин Бэрдьигэстээх уонна Орто-Сурт саппараапкаларын үлэһиттэрэ чаҕылхайдык кытыннылар.
Биирдиилээн ытыыларга улуус кииниттэн Айсен Петров хас да көрүҥҥэ бастакы миэстэни ылан, чаҕылхай көрдөрүүлэннэ. Орто Суртан Исай Сидоров 200 м ытыыга кыайыылааҕынан таҕыста. Кэрэ аҥаардарга салгын саатынан ытыыга Марианна Ионова үһүс миэстэни ылла.
Уопсай түмүккэ Бэрдьигэстээх филиалын хамаандата Айсен Петров, Иван Васильев, Михаил Владимиров эрэллээхтик кыһыл көмүс мэтээли ыллылар. Иккис миэстэн Чурапчы буолла. Орто Сурт уолаттара Исай Сидоров, Петр Варламов, Станислав Александров пьедестал үһүс үктэлигэр тахсан, боруонса мэтээл хаһаайыннарынан буоллулар.
Вячеслав Алексеев