Бу дневник «Бэчээт музейыгар» харалла сытар, урут Афанасий Авксентьевич бэйэтэ бэлэхтээбитэ.
Манна кини 1980 сыл, тохсунньу 1 күнүттэн 2000 сыл ахсынньы 31 күнүгэр диэри күн-дьыл туругун кэтээн көрбүтүн күн аайы массыыҥкаҕа бэчээттээбит.
Бүгүн кулун тутар 4 күнэ. Ол эрэн төһө да сааскы күннэр турдаллар, алын кылаас үөрэнээччилэрэ иккис күннэрин оскуолаҕа барбатылар. Халлаан туруга бэҕэһээ сарсыарда -45,5, бүгүн -46 кыраадыс! Онон дьэ, саҥа үүммүт кулун тутар — Дьөһөгөй ыйа быйыл барыбытын да соһутта.
Кубулҕаттаах кулун тутар буоларын үчүгэйдик биллэрдэ да диэххэ сөп.
Ол иһин биһиги урукку сылларга бу ыйбыт төһө соһуппутун, хайдах кыраадыс турбутун билээри Афанасий Филиппов дневнигын арыйабыт.
Күннэй Алексеева