2006 с. «Чыпчаал 20-с үйэ» кинигэ тахсыбыта. Онно оройуон араас сылларга ситиһиилэрэ, кыайыылара-хотуулара, араас дьиктилэр, саамай-саамай, бастакылар о.д.а. диэн салаалардааҕа.
Олортон биири холобурдуохха.
Элбэх мас көтөрүн туттарыы:
1952 с. Горнай оройуонун үрдүнэн 6211, 1953 с. 4404 мас көтөрө соҕотуопкаламмыт — судаарыстыбаҕа туттарыллыбыт.
Ити саҕана эргиэни хааччыйар райпо диэн тэрилтэ, маҕаһыыннарынан былаан биэрэн, биирдиилээн дьонтон мас көтөрүн тутара.
Ити кэмҥэ үгүстэр сүрүн аһылыктара булт этэ, мас көтөрө, кус буолара. Ол үрдүнэн ити ордорон туттараллара.
Харчытыгар буорах, дарамыына атыылаһаллара.
Билигин төһө мас көтөрө көҥүллэнэрэ, бултанара буолуой?
Василий Алексеев.