Электролиния анныгар үүммүт мас, сайыҥҥы кэмҥэ баһаар барыытыгар кутталы үөскэтэрин туһунан сыллата элбэх кэпсэтии барар.
Горнайга Дьиикимдэ – Өрт сэлиэнньэлэрин ыккардыларыгар уот линиятын аннынааҕы мастары кырбата сылдьалларын көрөн киһи үөрэр.
Куораттан кэлэ сылдьар үлэһиттэр этэллэринэн, 30 гектаар иэннээх сиргэ баар маһы кырбатыахтаахтар.
Үлэ икки сменанан күүскэ барар.
Линия анныгар үлэ барбыт сиригэр, турар мас биир да хаалбат. Көрөргүт курдук маннык ыраас. Кыра чөҥөчөхтөрү, 20- чэ см диаметрдаах тииттэри, бэстэри кытта илдьиритэн иһэр. Онно төттөрү-таары хаста да күүстээх МТЗ-нан хаамтара сылдьан сынньаллар.
Онон «Якутскэнерго» тэрилтэ линия аннынааҕы маһы тиэхиньикэ күүһүнэн ыраастааһыҥҥа үлэтэ кэҥээн иһэригэр, биллэр көдьүүстээх буоларыгар саарбахтааһын суох.
Бу кырбаммыт маһы хайдах туһаҕа таһаарыахха сөбүн, баҕар, булугас-талыгас урбаанньыттар, билиэн-көрүөн, туһалааҕынан дьарыктаныан баҕалаах оҕолор болҕомтоҕо ылыахтара эбитэ дуу?
Оннооҕор араас дойдуларга сылдьыбыттар, саамай сөбүлээн аҕалар сувенирдара, дьөлө үүттэммит талахха угуллубут стерженнээх, ол дойду суруктаах уруучука.
Бука, сорохтор этиэхтэрэ «Дьоппуоннар, кытайдар эбитэ буоллар?!» диэн…
Василий Алексеев.