Алтынньы 25 күнүгэр Одуну нэһилиэгэр «Ийэ кыыһынаан» күрэс ыытылынна.
Күрэс сүрүн сыалынан нэһилиэк талааннаах ыалларын, ийэлэри уонна кинилэр кыргыттарын дьоҥҥо-сэргэҕэ көрдөрүү, кыыс оҕону иитиигэ ураты болҕомтону ууруу буолар.
Айар талаан түһүлгэтигэр 5 нэһилиэктэн кэрэ-мааны ийэлэр, нарын-намчы кыргыттарын кытта кытыннылар.
Ол курдук:
Сардаана Корякина кыыһынаан Алена Егоровалыын, Мытаах нэһилиэгэ,
Наталья Антонова, Нарыйаана Семенова, Кировскай,
Анна уонна Сахайаана Алексеевалар, Маҥаны,
Анна, Сентябрина Минеевалар, Бэрдьигэстээх,
Айыына, Юлиана Максимовалар, Одуну.
Кыттааччылар бары олус бэлэмнэнэн, бу күн Одуну олохтоохторугар, ыалдьыттарыгар умнуллубат киэһэни бэлэхтээтилэр. Кинилэр бары даҕаны олус талааннаахтарын, асчыттарын, кэрэлэрин, ийэлэр кыргыттарын кытта истиҥ сыһыаннаахтарын, дьүөгэлии буолалларын түһүмэхтэринэн толору арыйан көрдөрдүлэр.
Түмүккэ бары кыттааччыларга маннык анал ааттар олохтоннулар:
Сардаана Корякина, Алена Егорова- «Талааннах ийэ, кыыһынаан», Наталья Антонова и Нарыйаана Семенова — «Бастыҥ асчыттар», Анна и Сахайаана Алексеевалар — «Айар дьоҕурдаах ийэ, кыыһынаан», Анна и Сентябрина Минеевалар — «Ийэ кыыһынаан — истиҥ дьүөгэлиилэр».
Онтон кыайыылаахтарынан Одуну нэһилиэгин кэрэ куолара Айыына уонна Юлиана Максимовалар ааттаннылар.
Кинилэр эһиил өрөспүүбүлүкэ таһымнаах куоҥкуруска кыттарга мэктиэлэннилэр. Кинилэргэ ситиһиилэри баҕарыаҕыҥ!
Күннэй Алексеева.
Хаартыска: улуус дьаһалтатын тг каналыттан.