Кулун тутар 6 күнүгэр Дьокуускайга СӨ үлэһит дьахталларын съеһэ ыытылынна. Тэрээһиҥҥэ СӨ Бырабыыталыстыбатын Бэрэссэдээтэлэ Кирилл Бычков судаарыстыбаннай наҕараадалары үөрүүлээх быһыыга-майгыга туттарда.
Биһиги улууспутуттан II cтепеннээх «Ийэ Албан аата» бэлиэнэн Бэрдьигэстээхтэн Айталина Иванова, Мария Александрова, Маҥаныттан Варвара Павлова , III cтепеннээх «Ийэ Албан аата» бэлиэнэн Бэрдьигэстээхтэн Светлана Уйгурова, Одунуттан Саргылана Никанорова, Любовь Семенова наҕараадаланнылар, ону тэҥэ 100 тыһ.солк, 200 тыһ.солк харчынан бириэмийэлэннилэр.
Кэнчээри ыччаты тэнитэр, алаһа дьиэ мааны Далбар Хотуттарын, улахан иллээх-эйэлээх дьиэ кэргэн хаһаайкаларын итиитик-истиҥник эҕэрдэлиибит.
Үлэ күүһэ
СИА хаартыскалара туһанылынна