Горнайдааҕы лесничество салайааччыта Ирина Алексеева Чурапчыга ыытылла турар мас тардыһыытыгар Гаврил Десяткин аатынан өрөспүүбүлүкэ чемпионатыгар 60 кг чемпион үрдүк аатын ылла.
Санатан эттэххэ, Ирина Горнайга кийиит буолан кэлиэҕиттэн Петр Попов салалтатынан мас тардыһыытынан дьарыктанар. 2021 с. манна ыытыллыбыт Манчаары оонньууларыгар кыһыл көмүс мэтээли бэлэхтээн үөрдүбүтэ.
Быйылгы Тааттаҕа ыытыллыахтаах Манчаары оонньууларыгар Ирина төрөөбүт дойдутун Нам аатын көмүскүөҕэ. Улууспут биир мааны кийиитигэр ситиһиилэри баҕарыаҕыҥ.
Вячеслав Алексеев