Бу өрөбүллэргэ Кэбээйи Мастааҕар уонна Мукучутугар Александр Петров сырдык аатыгар бидьярдка аһаҕас күрэхтэһии буолла. Кэбээйигэ спорт бу көрүҥүн үрдүктүк туталлар. Хас нэһилиэк ахсын үрдүк хаачыстыбалаах остуоллары туруоран, олохтоохтору түмэллэр. Спортсменнара өрөспүүбүлүкэҕэ бастыҥнар кэккэлэриттэн түспэттэр. Бу күрэхтэһии икки нэһилиэгинэн ыытыллыбыта ону бигэргэтэр диэххэ наада.
Хас күрэхтэһии ахсын элбэх спортсмен кыттан, оонньуулар олус тыҥааһыннаахтык бараллар. Кэбээйи түһүлгэтигэр Бүлүүттэн, Горнайтан 50 спортсмен күөн көрүстэ. Биһиги улуустан биэс киһи кытынна. Давид Дмитриев, Альберт Афанасьев бастакы оонньууларын үчүгэйдик саҕалаан бараннар, бөлөхтөн тахсыы иһин көрсүүһүүлэргэ хоттордулар. Андрей Уразбахтин финал аҥаарыгар диэри бэркэ оонньоото. Ол оннугар Афанасий Александров финалга тахсан тэҥ оонньууга сабырыттарда. Оттон Василий Семенов үһүс миэстэни эрэллээхтик ылан, эдэр уол биир дьоһун ситиһиилэннэ. Бильярды сэргэ «дартс» күрэхтэһитэ ыытылынна. Онно Афанасий Александров иккис миэстэни ылан, анал Кубогынан наҕараадаланна.
Биһиги спортсменнарбыт бэркэ хомуллан кытыннылар. Кинилэр ситиһиилэригэр федерация бэрэссэдээтэлэ Алексей Аргунов, «Амгор» ХЭТ дириэктэрэ Николай Бельды көмө оҥорбуттарын бэлиэтиэх тустаахпыт.
Вячеслав Алексеев