Аччыгый Алаҕаччыга Осиповтар урукку сыллартан оттууллар. Быйыл ойуур уота күүскэ күөдьүйэн, оту-маһы күл оҥорон, ходуһаларыгар киирэн, кыстык отторугар чугаһаан, сайыҥҥы көлөһүннэрин халтайга хааллара сыыста.
Ыксаллаах кэмҥэ, уот бу анньан кэлбитигэр Бэрдьигэстээхтэн баһаарынай чаас байыастара, Таатта, Амма, Горнай “Авиаотделение” үлэһиттэрэ, бэйэлэрин баҕа өттүнэн кэлбит уолаттар кэмигэр кэлэннэр, уоту саба тутан, тохтотон, сирдэрин-уоттарын, үүтээннэрин быыһаан, рулоннаммыт оту тиэйсэн, уоттан куоттаран абыраатылар диэн махталларын тириэрдэллэр.
Билигин да уот умулларыытыгар үлэлии-хамсыы сылдьар дьоҥҥо ситиһиилэри баҕараллар.