Тверь уобалаһыгар төрүт оҕунан ытыыга Россиятааҕы ох федерациятын Кубогын ылар иһин уочараттаах түһүмэҕэ буолла. Саха сирин спортсменнара чаҕылхай ситиһиилэннилэр. Хамаанда састаабыгар Горнай кыыһа Нюргустана Сидорова мэтээл бары көрүҥүн ылан, үчүгэй бэлэмнээҕин көрдөрдө.
Кини “Жабмы” (30 м ыталлар) уонна “Пута” (60 м) көрүҥнэригэр иккис, “Калкан” (50 м) үһүс миэстэни ылары ситистэ. Ону таһынан, “Историческай оххо” иннигэр кими да киллэрбэтэ. Күрэхтэһии түмүгүнэн биһиги кыыспыт муҥутуур кыайыылаах үрдүк аатын ылан, Амматтан Егор Барыновы кытары Бүтүн Аан дойдутааҕы көс норуотун оонньууларыгар Россия чиэһин көмүскүүр кыахтаннылар.
Вячеслав Алексеев