Бүгүн халлаан хараҥарыыта «Чыпчаал» стадиоҥҥа сүүрүү спордун сүгүрүйээччилэрэ түмсэн, «Киэһээҥҥи сүүрүүгэ» таҕыстылар.
Кыралыын-улаханныын 25 киһи чөл, доруобай, чэгиэн олоҕу тутуһарын көрдөрдө.
Бу саҥа сүүрээни улууспутугар спорт бэтэрээнэ Аркадий Васильев көҕүлээһининэн спорт инструктор Авксентий Филиппов, сүүрүү тренерэ Эдуард Санников тэрийдилэр.
Саамай аҕа саастаах кыттааччы 60 саастаах Владимир Осипов, кырачаан сүүрүүгүнэн сэттэ саастаах София Слепцова буоллулар.
Спортсменнар 1 чаас устата ким сүүрэн, ким хааман, сорох сайыҥҥы хайыһарынан стадиону хас да төгүл эргийдилэр.
Сүүрүү кыттыылаахтарыгар барыларыгар мэтээллэр, өйдөбүнньүк бэлэхтэр туттарылыннылар.
Вячеслав Алексеев