Бүгүн Кыакамда Улахан Үрэх икки ардыгар саҥа баһаар уота бэлиэтэннэ. Санатар буоллахха, бу күннэргэ Кыакамдаҕа тахсыбыт баһаары Горнайдааҕы, Чурапчытааҕы «Якутлесресурс» ГАУ үлэһиттэрэ, Кировскай, Бэрдьигэстээх нэһилиэнньэтин көмөлөрүнэн амыратан, хонтуруолга тутан тураллар.
Саҥа баһаар Улахан Үрэх уонна Кыакамда икки ардыгар турда. Тахсыбыт биричиинэтин билигин тустаах уорганнар быһаарыахтара. Бу кэмҥэ уоту умулларыыга тустаах тэрилтэ үлэһиттэрэ уонна баҕа өттүнэн кэлбит 21 киһи барда.
Онон улууспут олохтоохторо ыксаллаах быһыы-майгы биллэриллибитинэн, тыаҕа тахсаргытын туттунаргытыгар ыҥырабыт.
Вячеслав Алексеев