Күөллэр үрэхтэр дьэ туран эрэллэр

Горнай улууһун тэрилтэлэрин, нэһилиэк дьаһалталарын  болҕомтолоругар!

Быйыл күһүммүт уһаан, өр кэмҥэ сылаас күннэр тураннар халлааммыт хойутаан тымныйан, күөллэр үрэхтэр дьэ туран эрэллэр. Муус түргэн сүүрүктээх, сир анныттан тэбэр уулаах, ууга үүнэр оттоох уонна сылаас уу түһэр сирдэринэн орлук чараас буолар. Биһиги үлэбит биир өрүтүнэн уу объектарыгар, ол курдук күөллэргэ, үрэхтэргэ техника, дьон куттала суох туорааһыннарын хонтуруолга ылыы буолар.
Өрөспүүбүлүкэбит сиригэр чараас мууска ыарахан уйуктаах техниканнан киирэн дьон ууга былдьаныытын түгэннэрэ тахса тураллар. Кэнники кэмҥэ биһиги улууспутугар нэһилиэнньэ хаарынан, бадараанынан иҥнибэккэ сылдьар техникалары (бураннары, соколлары, рысь, азимут, тайфан, треколлары) атыылаһан, күннээҕи түбүктэригэр туттар буоллулар.
Куттала суох айан быраабылалара, чараас мууска снегоходтарынан, снегоболотоходтарынан киириини бобор, мууска халтарыйан кыайан салыллыбат техника муус анныгар барар куттала улахан, сэрэхтээх буолууну ирдиир. Маны таһынан, бэйэтэ хаамар техниканы (самоходные машины), трактордары күөллэр, үрэхтэр муустарыгар сүүрдүү бобуллар. Манна эппиэтинэстээх крестьянскай (фермерскэй) хаһаайыстыбалар салайааччылара, техниканы бас билэр дьон бэйэлэрэ эппиэтинэһи сүгэллэрин санатабыт.
Күөллэри, үрэхтэри туоруур оломнору туоруурга хайаан даҕаны муус халыҥын, хайдах туруктааҕын бэрибиэркэлээн көрүллүөхтээх

 

ол курдук, 10 тонна ыйааьыҥҥа дылы 400 мм, онтон 15 тн диэри ыйааһыннаах техникаҕа муус халыҥа 500 мм, эрэ буолла5ына айанныахтаах.

Аны туран мууһунан туоруурга техникалар икки ардылара 50 м. кыра буолуо суохтаах.
Арыгы иһэн баран уруулга олоруллуо суохтааҕын туһунан өссө төгүл этэргэ күһэллэбит. Ол курдук ууга былдьаныы сүрүн биричиинэтинэн билигин даҕаны итирик туруктаах техника улуулугар олоруу буолара – бу олох чахчыта.
Күөллэри, үрэхтэри туорааһыҥҥа сэрэхтээх буолуҥ мууска кииримэҥ, олоххутун харыстааҥ!

Өскөтүн уу объектарыгар быһылаан буолбут түгэнин көрөр, билэр түгэҥҥитигэр «Служба спасения” – 112 нүөмэргэ эрийэн биллэриҥ!

Дмитрий Борисов, Горнай улууһун Гостехнадзор инспекциятын
Главнай госдарственнай инспектора.