Дьокуускайга үтүө үгэскэ кубулуйбут өрөспүүбүлүкэтээҕи «Ас-үөл 2024» быыстапка-дьаарбаҥката ыытылла тураллар.
Бу быыстапка-дьаарбаҥкаҕа Л.Н.Харитонов аатынан Маҕарас орто оскуолата ситиһиилээхтик кыттан, «Бастыҥ оскуола фермата» номинация кыайыылаахтарынан буоллулар.
Быйыл агро-оскуола «Дьиэ кэргэн экономиката» бырагырааматынан 10 куурусса,10 бройлер, 10 индюк, 4 сибиинньэ ылан ииттибиттэрэ. Күһүҥҥү дьаарбаҥкаҕа түргэнник ситэр салаа кыылларын продукциятын атыылаан, эбии дохуот киллэрэргэ көхтөөхтүк үлэлэстилэр.
Алена Васильева