Маҕараска «Одун» волонтерскай быыһыыр этэрээт чилиэттэригэр бастакы суһал көмөнү оҥорууга үөрэх ыытылынна. Бырайыак Ил Дархан гранын кыайыылааҕынан буолар.
Үөрэҕи Дьокуускайтан үлэ харыстабылыгар үөрэтэр киин ыытта.
Волонтерскай быыһыыр этэрээт «Одун» – социальнай суолталаах бырайыак.
Бырайыак сүрүн сыала-соруга – «Бүлүү» федеральнай айан суолугар турар Маҕарас бөһүөлэгин таһыгар суол быһылааныгар эмсэҕэлээбиттэргэ көмөлөһөр сыаллаах быыһыыр- волонтерскай этэрээти тэрийии буолар.
Бырайыак чэрчитинэн 5 үөрэтэр- эрчийэр дьаһаллар ыытыллыахтара, ону тэҥэ суол быраабылатын тутуһууну пропагандалыырга уонна волонтерскай үлэ быраабылатын тутуһууга туһуламмыт сэрэтэр акциялар уонна дьаһаллар ыытыллыахтара. Волонтер-быыһааччылар бастакы көмөнү оҥоруу куурсугар үөрэнэн дастабырыанньылары туттулар.
Айталина Санникова