”Уһук Илиҥҥэ 1000 тиэргэн” бырагыраама чэрчитинэн Маҕараска «Дьулуур» мини-паарката арыллан, олохтоохтор үөрүүлэрэ үгүс.
Тэрээһиҥҥэ улуус баһылыга Никита Андреев, нэһилиэк баһылыга Владимир Текеянов, Куорат эйгэтин боппуруостарыгар компетенциялаах киин салайааччыта Ирина Маркина, «Номадо» архитектурнай бюро салайааччыта Айталина Брызгалова кыттыыны ыллылар.
Маҕарастар араас бырайыактарга көхтөөхтүк кыттаннар, нэһилиэнньэ тупсаҕай көстүүлээх буоларыгар улахан болҕомтолорун уураллар.
Бу тупсаҕай оҥоһуулаах пааркаҕа кэлэн, олохтоохтор сынньаналларыгар бары усулуобуйа тэриллибит.
Санатан эттэххэ, Маҕараска 2022 с «Аартык» мини-паарка тутуллубута. Онон «Уһук Илиҥҥэ 1000 тиэргэн» бырагырааманан иккис бырайыак олоххо киирбитэ үтүө холобур буолар.
Нина Сутакова,
Елена Дьячковская хаартыскаҕа түһэриитэ