Маҕарастар водопровод холбоноругар эрэнэллэр

Алтынньы 17 күнүгэр Одуну нэһилиэгин Маҕарастааҕы сынньалаҥ киинигэр «Олохтоох көҕүлээһини өйүүр» (ППМИ) бырагырааманы түмүктүүр куоластааһына олус көхтөөхтүк ыытылынна.

Барыллаан куоластааһын түмүгүнэн

– Сайыҥҥы уу ситимин 3 этаба

– Саҥа водовоз массыына ылыыта

– Свалка күрүөтүн саҥардыы үлэлэрэ түмүктүүр куоластааһыҥҥа талыллыбыттара.

Тэрээһиҥҥэ куоластааһын эрэ буолбакка ас-үөл дьаарбаҥката, ППМИ бырагыраамаҕа сыһыаннаах викториналар уонна эҕэрдэ кэнсиэр тэриллэн дьон тоҕуоруһа муһунна.

Куоластааһыҥҥа уопсайа 127 киһи кыттыыны ылбытыттан быдан элбэх куолаһы ылан, кэлэр 2025 сылга «Олохтоох көҕүлээһини өйүүр»(ППМИ) программа нөҥүө Сайыҥҥы уу водопроводун (3 этабын) сайаапкалыыр буоллулар. Куоҥкуруһу кыайан, кэлэр сылга үлэ таһаарыылаахтык ыытыллар түгэнигэр, Маҕараска сайыҥҥы водопровод 100 % ыалларга холбонуо этэ диэн олохтоохтор эрэл санаалаах тарҕастылар.

Василий Кривошапкин.