Бүгүн Маалтааны нэһилиэгэр киирии аартык стела үөрүүлээх арыллыыта буолла. Бу бэлиэ күҥҥэ олохтоох салалта, нэһилиэк тэрилтэтин салайааччылара, үлэһиттэрэ, дьон-сэргэ кыттыыны ыллылар.
Ааспыт 2022 с. нэһилиэктэр икки ардыларыгар ыытыллыбыт үлэлэр, тэрээһиннэр түмүктэринэн биһиги нэһилиэкпит элбэх үчүгэй көрдөрүүлээх буолан, улуус салалтатын 2 000 000 солк. гранын ылары ситиспитэ.
Нэһилиэкпит киирии аартыгар, кэрэ көстүүлээх, уоттаах-күөстээх стела турда.
Онтон стела дизайнын оҥорууга аҕам саастаах нэһилиэкпит олохтоохторо, ону тэҥэ нэһилиэк салалтатын үлэһиттэрэ уопсай сүбэнэн быһаарсан проектаабыттара. Үлэни “Ректайм” ХЭТ ылсан оҥордо.
Түгэнинэн туһанан, нэһилиэк баһылыга Дмитрий Борисов былаһааккатын туппут “АМГОР” ХЭТ, хаар ыраастааһыныгар көмөлөспүт оскуола оҕолоругар махталын тириэрдэр.
Вера Новикова