Ааспыт өрөбүллэргэ Александр Агеев аатынан спортивнай оскуола мас-рестлинг көрүҥүнэн дьарыктанар оҕолор кэккэ ситиһиилэннилэр. Олус күүстээх, күрэстэһиилээх өрөспүүбүлүкэ күрэхтэһиилэригэр бастыҥнар кэккэлэригэр киирэннэр, улууспут аатын ааттаттылар.
Ол курдук, Бүлүү Хампатыгар 60 кг Каролина Дьяконова, Алеша Ефремов үрүҥ, 50 кг Эльдгар Васильев, Богдан Луковцев боруонса мэтээли ыллылар. Дьокуускайга 17-21 саастаах спортсменнар ортолоругар Анастасия Александрова үрүҥ, Айаал Бурцев боруонса мэтээллэннилэр.
Биир улахан күрэхтэһии Москваҕа түмүктэннэ. Олимпийскай чемпион, киэн туттар киһибит Роман Дмитриев аатынан Бүтүн Россиятааҕы күрэхтэһии үрдүк таһымҥа ыытыллар буолбута үтүө үгэс буолла. Дойдубут бары регионнарыттан элбэх спортсмен кыттан, күрэхтэһии таһыма үрдээн иһэр. Быйыл Константин Алексеев кыһыл, Виталий Заровняев көмүс мэтээллэри ыланнар биһигини үөртүлэр.
Вячеслав Алексеев